9

عدنا لفقرة التوضيح😂😂
اولا البطل من دوقية ايفرون وللي ما يعرف عادةً الامراء المباشرين (ابناء الامبراطور) اللي ما يورثون العرش مايضلون للابد بلقب امير بل يحصلون لقب الدوق مثل ” نواه من مانهوا لماذا اضطرت رايليانا للذهاب للدوق” فالدوقيات عادة ثلاث اقسام يا انها ١-عائلة عريقة ساعدت في تأسيس المملكة مع العائلة الملكية، ٢- او انها عائلة نبيلة فاحشة الثراء اشترت لقب الدوق ٣-او انها متفرعة من العائلة الملكية وفي حالة دوقية ايفرون فهي الخيار الثالث يعني البطل عنده دم ملكي وله الحق في الخلافة والغالب انه والامراء المباشرين ابناء عمومه او من هذا القبيل يعني اقارب من الدرجة الثانية (الدرجة الاولى: هم الاخوة والاخوات اما الثانية: فهم ابناء العمومه او الخالة)
-وحاليا فيه خلاف مع الامبراطور على تكريم الجيش شرحته في الفصول السابقة بغرض اضعاف سلطة البطل لانه يشكل تهديد لوراثة العرش والامبراطور يريد ابنه المفضل لورانس هو واللي يورث العرش بس مع انه الابن المفضل اليه الا ان لورانس ما عنده دعم النبلاء الكبار في الامبراطورية
-البطل قرر انه يروح لرئيس الاساقفة عشان يتوسط له للملك بس البطلة قالت انها فكرة سيئة لان الامبراطور بدال ما يكرم الجيش كامل بيقوم ينقل التكريم من جنود الدوقية الى جنود الحيش الغربي وبتصير مشاكل بين الجنود في حفل التكريم على ان اي قسم هو بطل الحرب الحقيقي وبيتخلى جنرالات الدوقية عن الجيش الغربي وبيتفكك الجيش بذي الحالة ايضا
-فالبطلة اقترحت ان يتزوجها وبكذا يكون كأنه يدعم اخوها لورانس فالبتالي الامبراطور بيحل مشكلة التكريم وبيقلل حذره منه ايضا
-هنا البطل اتسائل ان ليش هي تسوي جذي وش اللي بتستفيد منه فهي قالت انها تبي تحصل ورث ماركيزية روزان بس هي ما تقدر تورث الا اذا صارت بالغة يعني عمرها ٢٠ وحاليا كل املاك الماركيز روزان تحت سيطرة امها ولكن اذا تزوجت بيعترف ابها بالغة رسمياً بدون ما يحتاج تصير ٢٠ وبتقدر تورث الاملاك بس هي ما تقدر تزوج اي شخص لان امها اذا ما حصلت منفعة على الارجح بتقتل اللي بيحاول يصير زوجها فعشان جذي البطل اللي اعلى رتبة من النبلاء لورانس بيكون محتاج دعمه فبتوافق عليه امها

*ملحوظة للي ما عرف سالفة العلاقات من البداية: ام البطلة هي الماركيزة روزان بس كان عندها علاقة غرامية مع الامبراطور والامبراطور يحبها فعرض على الماركيز منجم ياقوت وتصير زوجته عشيقته بدون مشاكل وهنا الماركيزة جابت ولد من الامبراطور اللي هو لورانس امير غير شرعي اما تيا البطلة هي بنت الماركيزة والماركيز اي انها مو اميرة